ياليتني طفل.....

ياليتني طفل وكلن يداري دمعتي
ومحدٍ يزعلني ولا اصير زعلان

ياليتني طفل واكبر همومي لعبتي
ولا يضيق صدري ولا اكون طفشان

ياليتني طفل بالغصب تمشي
واللي يباريني أنا أقول خسران

ياليتني طفل ومحدٍ يقاوم رغبتي
واللي ابيه يصير لو كنت غلطان

ياليتني طفل دايم بوجهي ضحكتي
وأشوف كل الكون أشكال وألوان

ياليتني طفل آمر وأنا في غرفتي
وأشوف كل الكون حاضر وفرحان

ياليتني طفل وأمي تسمّى حجتي
تجيب لي كل شي وأنا دوم طمعان

ياليتني طفل وكلن يصدق كذبتي
لان البراءه فخافقي ماسكه شان

ياليتني طفل ومحدٍ يواخذ زلتي
وأمي تبدّيني على فلان وفلان

ياليتني طفل وترجع خطاوي رحلتي
وماراح أزعل لو تقولون بزران

ليتني طفـلٍ وهمـي لعبتـي
كان صار الهم صغير ابدنيتي
دنيتي همي مطرهـا دمعتـي
ليتني انسى سبايـب لوعتـي

لوعتي دنيا غدرنـي وقتهـا
انتظر لحظة وفا من عطفهـا
اتركتني غارق ٍفـي بحرهـا
قاسيا تشبه قساوة صخرهـا

لوعتي بان الفرح ماله محل
في خفوقي ماسكن عيا رحل
كيف يسكن والحزن فيني كمل
لابقا ضحكه ولا بسمة امـل

لوعتي خلي جفا ليل الغـرام
ياتعب قلبي ويا كثـر المـلام
لانفع صمتي ولاحتى الكـلام
ذي حياتي مرها احلى ختـام

الروعه أنتي يالغلا والذوق... م ن ب ع ك.....

ياليتنى طفله وياليت ياليت

كلام راااائع واختيار ذووق تسلم اخوي فيصل ع الابدااع والتميز

تقبل مروري وردي